عذراء القلب

اللهم صل على محمد وآل محمد

شنو الحل ويه الـ صداع !

صباح الكآبة .. صباح التوتر صباح الصداع وصباح الغثيان .. من يزود .. !!

صار لي أيام ما أطب هالعالم .. تعودت على الوضع .. لا مسنجر لا يو ام ام .. ولا بلوغ … اممم .. أظن أفضل جدي .. الإدمان لازم كان يتعالج .. انزين نرجع للصداع .. شنو الحل شنو ينفع معاه ؟؟ أمس الليل كان الألم وقلت النوم بحل الوضع لكن اليوم لما قمت من الرقاد الصبح كان الألم أكثر من أمس .. طبعاً بدون البندول .. أظن ـني من الإرهاق بمرض .. تعب تعب تعب تعب … همممم …. وبس

ماقدر أواصل .. كونوا بخير

هه .. ههه

أتمنى ..

سلام

اللهم صل على محمد وآل محمد

قبل لااا تتعفس النفسيه من النتيجه قلت أجي أطل وأشخبط ليكم .. :D

كلكم تدرون أن الجامعه كملت .. واحنا المضطهدون في الأرض كملنا آخر يوم تاريخ 23 يونيو ,, المهم … البنات متعودين آخر يوم من الامتحانات يطلعون غدا ودواره … بس أني بيتنا ما يحبون أطلع هيك طلعات يعني بره مع البنات .. فاعتذرت منهم .. كان شوي ويصير الضرب .. :) خخخخ .. ووحده ثانيه قالت صداااع ما بجي وياكم … ووحده كانت بتروح السعوديه وهم اعتذرت … اللا بقوا خمس بنات … من شعبنا المدني … طلعوا راحوا أول شي السينما … وعقب راحوا مجمع الشسمه ,,, بسطوا هناك ..

من جانب آخر ::: خخخخ

داك اليوم مادري ليش بيتنا هم وصلوني الجامعه ما رحت في السياره .. ففي الرجعه لما كنت أنتظرهم .. طلع رفيقتي اللا ما بتطلع ويه البنات ما عندها أحد يرجعها إلا في العصر .. قلت لها حياش تعالي تغدي عندنا ويجونش بعدين هناك البيت … خخخ فكره !!

جت بيتنا .. تريقنا .. صلينا .. واحنا مغمضيييين .. ههههههه … مو نايمين جم يوم … وعقب تغدينا .. وتقابلنا … نسولف واحنا رايحه علينا …. وبعديييين جت على بالي فكرة هيامه .. خبركم سياره وفراغيه قاعدين … قلت ليها قومي نطلع ناخد أسكريم … وقمنا … وطلعنا رحنا مجمع الشسمه …. واحنا نبركن تقول صاحبتنا تخيلي نجوف الشباب هنااك … خخخخخ … قلت ليها اممممم عادي .. أني أمي ما ترضى أطلع وانتين راسش يعورش خخخخ هيهيههي … المهم قلت ليها ما أتوقع … رحنا دخلنا ودرنا شوي .. دخلنا جم محل .. وعقب دخلت محل وخديت فره عجبني بنطلون ولما شسمه جابت الأخت ليي الألوان وعقب جيكت وعجبني … المهم ناديت عقب رفيقتي أقول ليها حجيه … فلوووس مااا عندي مو حامله ويايي لأن في نيتنا ناخد أسكريم ونرجع .. ههههههههههه … سبتني سب الأخت وقالت ليي بشرد لا أعرفش ولا تعرفيني …. وني ميته من الضحك عليها ولا مهتمه … المهم .. طلعت وقلت للشسمها .. عفواً التخفيضات لمتى عندكم … طلع نهاية الشهر .. فقلت ليها أوكي الحين ما بشتري بيكوز شسمه .. بحاول أجي خلال هالأسبوع وباخده شكراً … قالت أوكي مسكينه .. وتلقونها سبتني هي الثانيه … خخخخ … المهم طلعنا عن لا نتأخر ويرجع أخو شسمها … رحنا صوب مجمع المطاعم … ندور .. أني مادري بديك المنطقه مو مالت طلعات .. درنا درنا … إلا من بعيد أجوف وجه مو غرييب .. ههههههههه … أطالع إلا الوجوه كلها مألوفه … @@!!! فلم هندي يا جماعه .. وش مجيبنهم دلين هني … يااا إلهي … راحت علينا أقول ههههههه ,,, رحنا سلمنا وصار دفع ومدافع ومن هالحجي .. وبسطنا وياهم شوي .. والأخت دبحتني من الحنه أخويي بيجي الحين واحنا ما رجعنا … مع إن هي قايله ليه بنروح وبنرجع … المهم … قعدنا هدرنا شوي واجد وعقب قمنا شرينا أسكريم .. وطلعنا من المجمع سلمنا وهيك عباره أسبوع ما بنجوف بعض …. وفي الرجعه وحده ثانيه انضمت ليي أني وصاحبتنا الأوليه عشان يمرها أبوها بيتنا … وقبل لا أطلع ماما متصله وزفتني زف ههههههههه وييينش ما تردين على التلفون كل هاده أسكريييم ؟؟؟ قلت ليها القصه وقلت ليها ما سمعته لأنه .. وهي لأن قامت تحاتي تأخرت … وبسسس …رجعنا البيت … وحالتنا حاله نبي السريييير … بسطت ويه البنات .. وحده مشت والثانيه ظلت لليل وعقب مشت …

هاده باختصار مفيد يعني أدري استمليتون ونتون تقرون … بس طلعت حرة أسبوعين من دبحة الامتحانات … وووو الله يستر من بكره بااجر النتايج …

تصبحون على خير :)

شبااب المدني : هههههههه سوري … أحبكم (F)